Aspyr

Aspyr-მა სახელი ათწლეულების წინანდელი კოდის გაცოცხლებით და თანამედროვე აპარატურაზე მისი უნაკლო მუშაობის უზრუნველყოფით დაიმკვიდრა. სტუდია არამხოლოდ ძველ ფაილებს წმენდს, არამედ თითოეულ ლოკაციასა და პერსონაჟს სრულიად განსხვავებული მიდგომით, ახლებურ და საკმაოდ საინტერესო ელფერს სძენს. მათი მიზანია, რომ ვეტერანმა გეიმერებმა ნაცნობი გარემო იცნონ, ხოლო ახალბედებმა სტაბილური გამოცდილება მიიღონ.

Tomb Raider I-III Remastered Starring Lara Croft ნათლად აჩვენებს, თუ როგორ შეიძლება კლასიკური მართვა თანამედროვე ანალოგური კონტროლის სისტემას მოერგოს. Legacy of Kain Soul Reaver 1&2 Remastered-ის შემთხვევაში კი, გუნდმა აქცენტი გოთურ ატმოსფეროზე და ვიზუალური ეფექტების დახვეწაზე გააკეთა. 3-ვე თავდაპირველი ნაწილის განახლებისას, Aspyr-მა მოახერხა, რომ ტექნიკური ხარვეზები სრულად და პროფესიონალურად აღმოეფხვრა.

GeForce NOW-ს მეშვეობით ამ პროექტების გაშვება ნებისმიერი სიმძლავრის მოწყობილობაზე, სტაბილური კადრების სიხშირით და დაყოვნების გარეშეა შესაძლებელი. ღრუბლოვანი სერვისი საშუალებას იძლევა, რომ Aspyr-ის მიერ რენდერირებული მაღალი გარჩევადობის ტექსტურები ყველგან, ყოველთვის და რაც მთავარია, მაქსიმალურად მკაფიოდ გამოჩნდეს. ასეთი მიდგომა გეიმერებს საშუალებას აძლევს, რომ რთული პარამეტრების ნაცვლად, პირდაპირ Lara Croft-ის სახიფათო ისტორიებში გადაეშვან.

მოახლოებული Tomb Raider IV-VI Remastered კიდევ ერთხელ დაადასტურებს, რომ სტუდია საკუთარ ხელწერას და სტანდარტებს არ ღალატობს. მათ მიერ ჩატარებული სამუშაო უზრუნველყოფს, რომ ძველი ისტორიები დღევანდელ ეკრანებზეც ისეთივე შთამბეჭდავად, დეტალიზებულად და რაც მთავარია, მიმზიდველად გამოიყურებოდეს. Aspyr კვლავ რჩება გუნდად, რომელიც კლასიკას მეორე სუნთქვას უხსნის და ერთგული მოთამაშეების ემოციურ მოლოდინებს ამართლებს.